நீங்கள் தேடியது "கரோலின் வோஸ்னியாக்கி"

சீன ஓபன் டென்னிஸ் தொடரின் இறுதி போட்டி இன்று பீஜிங்கில் நடைபெற்றது. இதில் 2-ம் நிலை வீராங்கனையான டென்மார்க்கின் வோஸ்னியாக்கி - தரநிலை பெறாத லாத்வியாவின் செவஸ்டோவாவை எதிர்கொண்டார்.

அரையிறுதி ஆட்டத்தில் கரோலின் வோஸ்னியாக்கி 6-1, 6-3 என்ற நேர்செட்டில் சீன வீராங்கனை குயாங் வாங்கை தோற்கடித்திருந்தார். செவஸ்டோவா அமெரிக்க ஓபன் சாம்பியனான நவோமி ஒசாகாவை 4-6, 4-6 என்ற நேர்செட்டில் வீழ்த்தி அதிர்ச்சி அளித்திருந்தார்.



இதனால் இன்று நடைபெற்ற இறுதிப் போட்டியில் 8-ம் நிலை வீராங்கனைக்கு அதிர்ச்சி அளித்த செவஸ்டோவா வோஸ்னியாக்கியாவிற்கும் அதிர்ச்சி அளிக்க வாய்ப்பு இருப்பதாக கருதப்பட்டது. ஆனால் வோஸ்னியாக்கி 6-3, 6-3 என நேர்செட் கணக்கில் வெற்றி பெற்று சாம்பியன் பட்டத்தை கைப்பற்றினார்.